पुणे : कर्करोगावर मोफत उपचार करणाऱ्या कॅन्सर केअर सेंटरला रोटरी क्लब ऑफ पुणे गांधीभवन यांच्याकडून वैद्यकीय उपकरणे भेट देण्यात आली.
केअर इंडिया मेडिकल सोसायटीच्या विश्रांती कॅन्सर पॅलिएटिव्ह केअर सेंटर आणि मातृसेवा डायग्नोस्टिक सेंटरमधील गरजू कॅन्सर रुग्णांसाठी पेशंट ट्रॉली, लिम्फडेमा पंप, एक्झामिनेशन कोच (तपासणी पलंग) या उपकरणांची भेट देण्यात आली.
भवानी पेठमधील विश्रांती कॅन्सर केअर सेंटरमध्ये ही उपकरणे ‘रोटरी’चे सहाय्यक प्रांतपाल चंद्रशेखर यार्दी, रोटरी क्लब पुणे गांधीभवनचे अध्यक्ष गणेश जाधव यांच्या हस्ते सेंटरचे संस्थापक विश्वस्त कर्नल (निवृत्त) एन. एस. न्यायपती, डॉ. अशोक सुमंत यांना सुपूर्द करण्यात आली. कर्करोग रुग्णांना मोफत सेवा देणाऱ्या संस्थेचे हे रौप्यमहोत्सवी वर्ष आहे
या वेळी ‘रोटरी’चे प्रकल्प संचालक गिरीश मठकर, प्रकाश भट, शैलेश गांधी उपस्थित होते. देणगीदार आणि अभीर फाउंडेशनचे विश्वस्त शेखर रेगे यांचा या वेळी सन्मान करण्यात आला. या प्रकल्पास प्रकाश भट आणि अभीर फाऊंडेशनचे शेखर रेगे यांचे सहकार्य लाभले.
केअर इंडिया मेडिकल सोसायटीच्या विश्रांती कॅन्सर पॅलिएटिव्ह केअर सेंटर आणि मातृसेवा डायग्नोस्टिक सेंटरमधील गरजू कॅन्सर रुग्णांसाठी मोफत सेवा देते. यामध्ये रुग्णास प्रवेश देणे, मोफत तपासणी, २४ तास नर्सिंग आणि सहायक काळजी घेणे, आहार, रुग्णाचा मुक्काम, मार्गदर्शन आणि सल्ला या सुविधा मोफत पुरविल्या जातात.
